O Sábado 20 será o día de transición, xa que o ceo permanecerá nuboso ou moi nuboso con precipitacións febles a moderadas pola mañá en toda a comarca.
Pola tarde iranse abrindo os ceos, xa que a borrasca situada na nosa latitude trasladarase cara o sur, polo que as precipitacións irán remitindo, quedando algún chubasco aislado máis probable no sur da comarca.
As temperaturas en ascenso, con MÁX 22ºC e MÍN 18ºC.
Os ventos soprarán moderados de componente sur.
A xornada do Domingo 21 dará paso a unha semana con celos prácticamente despexados. Pola tarde os ceos iranse cubrindo un pouco na zona litoral, con probabilidade de tormentas ao final del día. A sensación será de bochorno.
As temperaturas máximas en moderado ascenso e mínimas en moderado descenso, con MÁX 26ºC e MÍN 15ºC.
Os ventos serán frouxos con rachas moderadas de componente norte, cambiando a direción variable.
A semana comezará có anticiclón situado ao sur do Reino Unido, cuxa presenza comezará a notarse na comarca.
O Luns 22 será un día con ceos máis nubosos pola mañá, pero que se irán abrindo e quedando despexados a mediodía e pola tarde.
As temperaturas sen moitos cambios, con MÁX 25ºC e MÍN 16ºC.
Os ventos soprarán frouxos de componenete noroeste.
A xornada do Martes 23 virá marcada por unha pequena fronte residual da borrasca situada na Península e que afectará ao norte, deixando ceos máis anubrados pola mañá pero sen risco de precipitacións. Xa pola tarde os ceos quedarán pouco nubosos ou despexados.
Os ventos rolarán a componente nordés e soprarán frouxos con rachas moderadas.
O Mércores 24 o día ven marcado polo bo tempo, xa que a borrasca desaparece e o anticiclón pasa a afectarnos dun xeito máis claro. Os ceos estarán pouco nubosos ou despexados durante toda a xornada, con máis nubosidades nas áreas de montaña.
As temperaturas sen cambios significativos, con MÁX 23ºC e MÍN 14ºC.
Os ventos seguirán soprando de nordés moderados.
A xornada do Xoves 25 será anticiclónica, con ceos despexados durante todo o día na comarca, e tan só se deixará ver algunha nube alta no litoral pola tarde.
As temperaturas sen cambios, con MÁX 22ºC e MÍN 15ºC.
Os ventos soprarán de nordés frouxos con intervalos moderados.
No hay comentarios:
Publicar un comentario